Көкшетаудан Новосібірге күрделі отаға жіберілген 10 жастағы баланың денесінде дәрігерлер ұзындығы жарты метрге жуық металл сымды ұмытып кеткен, деп хабарлайды Skifnews.kz ақпарат порталы.

Жүректен сан сүйегіне дейінгі тамырда қалып қойған сым баланың өміріне тікелей қауіп төндіріп отыр.

Бала туа бітті ауыр жүрек ақауымен ауырады. Қазақстанда екі рет операция жасалған. Ал үшінші, яғни Фонтен әдісімен соңғы ота Ресейдің Мешалкин атындағы ұлттық кардиоорталығында өткен. Отадан кейін баланың жағдайы нашарлап, дене қызуы көтеріліп, өкпесіне сұйықтық жинала бастаған. Қазақстанға оралған соң дәрігерлер жүрек пен сан арасын бөгеп тұрған 50 см металл сымды анықтаған.

Қауіпті сым тамырды түгел жауып, кез келген сәтте тромб тудыруы мүмкін. ⠀

Анасы Вероника Субач Ресей клиникасына шағым түсірген, алайда тек ресми жауап алған. Қазір бала амбулаториялық бақылауда, бірақ жағдайы қиындаса – шұғыл госпитализация қажет. ⠀

Оқиғаға байланысты Тергеу комитеті, Росздравнадзор және Ресей Денсаулық сақтау министрлігіне ресми шағым жасалған. Іске РФ Тергеу комитетінің төрағасы Александр Бастрыкин де назар аударды