Ол енесінің алтын жүзігін ломбардқа өткізіп, құрбысынан алған өз қарызын жапқан.

Ақмола облысы прокуратурасының мәліметінше, кейін ол бұл оқиғаны енесінен жасыру үшін үйдегі заттарды шашып, жалған ұрлық ұйымдастырып, полицияға хабарлаған, деп жазады inbusiness.kz сайты.

Қосшы қаласы прокуратурасының үйлестіруімен, полиция бөлімі тергеушісінің кәсібилігінің және істі егжей-тегжейлі тергеп-тексеруінің нәтижесінде оқиғаның шынайы мән-жайы анықталды.

Нәтижесінде азаматша "Н" қылмыс жасалғаны туралы көрiнеу жалған сөз жеткiзгені үшін Қылмыстық кодексінің 419-бабының 2-бөлігімен қылмыстық жауапкершілікке тартылды.

Прокуратура мұндай қылмыс үшін 5 жылға дейінгі мерзімге бас бостандығынан айыру жазасы қарастырылғанын ескертеді.