Үндістанда ғибадатханадағы дүрбелеңнен 6 адам опат болды
27.07.2025
Үндістанның Харидвар қаласындағы Манса Деви ғибадатханасында болған қысым салдарынан алты адам қаза тапты. Тағы 29 адам ауыр дене жарақатын алды.
Оқиға мыңдаған адам жиналатын Шраван мерекесі кезінде орын алған. Ресми мәліметке сәйкес, жұрттың арасынан біреу электр сымының құлағанын айтып айқай салған. Сол сәтте басталған дүрбелең кезінде адамдар бір-бірін итеріп, кейбірі тапталып қалған. Құтқару қызметі оқиға орнына дереу жетіп, жараланғандар ауруханаға жеткізілді. Жағдай бойынша жергілікті полиция тергеу жұмыстарын бастады.
