Украина Президенті Владимир Зеленский Ұлттық сыбайлас жемқорлыққа қарсы бюро мен прокуратура қызметін тәуелсіз ететін жаңа заң жобасына қол қойды.

Құжат Жоғарғы Рада қарауына жіберілді. Бұған дейін осы аптада қабылданған заң Бас прокурорға қос органға толық бақылау орнатуға мүмкіндік берген еді. Бұл шешімге Украина халқы қарсы болды. Мыңдаған адам Киев, Львов және Одессада шеруге шыққан еді. Олар заңның күшін жойып, Президенттің оған вето қоюын талап етті. Сарапшылар мұндай өзгеріс ЕуроОдаққа мүше болуға ұмтылған елдің беделіне нұқсан келтіруі мүмкін дейді.