Ақмола облысында егін орағы маусымы басталды.

Қазір екі ауданның диқандары күздік бидайды жинауға кірісті. Биыл 650 гектардан астам алқаптан өнім жиналуға тиіс. Зеренді ауданының шаруалары алғашқылардың бірі болып егінге орақ салды. Мұнда гектарынан орташа өнімділік 30 центнерден жоғары. Бұл былтырмен салыстырғанда едәуір жоғары көрсеткіш. Биылғы қолайлы күн райы және озық агротехнологияларды қолдану жақсы өнім алуға сеп болған. Осыған байланысты күздік бидай егістігін кеңейту жоспарда бар,-дейді жергілікті мамандар.

Мұрат Балпан — облыс әкімінің орынбасары:

Өңіріміз майлы дақылдарға басымдық беріп жатыр. Биыл дақылдар екі есеге көбейіп 495 мың гектар құрады. Мемлекеттік қолдаудың арқасында егіс науқаны ерте басталды. Диқандарға 230 миллиард теңге көлемінде «Кең дала» бағдарламасымен несие берілді.