Жөндеу жүргізілетін аумақта ескерту белгілері, мердігер ұйым жетекшісінің байланыс деректері көрсетілген тақталар орнатылады.
Алматыда Саин және Жұбанов көшелерінің қиылысындағы жолайырығы бұрылыстарын орташа жөндеу жұмыстарына байланысты көлік қозғалысына уақытша шектеу енгізіледі, деп хабарлайды қала әкімінің баспасөз қызметі.
21 шілде сағат 23:00-ден 22 шілде сағат 6:00-ге дейін шығыс жағындағы бұрылыстар жабылады.
"Ал 22 шілде сағат 23:00-ден 23 шілде сағат 6:00-ге дейін батыс жағындағы бұрылыстар жабылады. Жөндеу жүргізілетін аумақта ескерту белгілері, мердігер ұйым жетекшісінің байланыс деректері көрсетілген тақталар орнатылады. Маршрутыңызды алдын ала жоспарлауыңызды сұраймыз", – делінген хабарламада.
Оқи отырыңыз: Алматыда Исинәлиев көшесінің бір бөлігі уақытша жөндеуге жабылады
Айта кетейік, қозғалысқа шектеу қоюға қатысты барлық ақпарат @AlmatyJoly Telegram-арнасында, аудан әкімдіктерінің әлеуметтік желілерінде, сонымен қатар 2GIS пен "Яндекс карты" сервистерінде жарияланған.
