Оның жалпы құны – 26 млн теңге .

Қаржы мониторингі агенттігінің Ақтөбе облысы бойынша департаменті мен Шекара қызметі бірлесіп, вейп өнімдерін заңсыз тасымалдау әрекетінің жолын кесті, деп жазады inbusiness.kz сайты.

Ресей Федерациясынан келе жатқан екі жүк көлігі "Жайсан-автомобиль" шекаралық өткізу пунктінде ұсталған. Тексеру барысында заңмен тыйым салынған темекі өнімдерінің ірі партиясы анықталды, атап айтқанда: 13 мың электронды тұтыну құрылғы (вейп), 2 мың дана вейпке арналған сұйықтық және 14 мың дана шылымсыз темекі өнімдері тәркіленді.

Аталған факті бойынша ұсталған екі азаматқа қатысты сот үкімі шығарылып, олар 6 ай мерзімге бас бостандығынан айырылды.

Сот үкімі әлі заңды күшіне енген жоқ.

2024 жылдан бастап Қазақстанда вейп өнімдерін заңсыз сатуға, тасымалдауға және жарнамалауға тыйым салынған.