International STEM Olympiad биыл бесінші рет өткізілді.

Қазақстандық Иса Қожасбай Испания астанасында 6-8 сынып оқушылар арасында өткен білім бәйгесінде топ жарды, деп хабарлайды inbusiness.kz сайты.

Барселонада өткен STEM халықаралық олимпиадасында Иса Қожасбай ғылым мен математика пәнінен үздік үштікке ілікті. Атап айтқанда, математика пәнінен екінші (silver) орын және ғылым science бойынша үшінші (bronze) орын алды.

"Биыл тағы да Отанымның намысын қорғап, үздік үштіктің қатарынан көрінгеніме қуаныштымын. Халықаралық білім додаларында елімнің намысын қорғағанымды мақтан тұтамын. Әлі қазақтың байрағын талай рет желбіретемін", – дейді дарынды оқушы.

Айта кетейік, International STEM Olympiad биыл бесінші рет өткізілді. Оған әлемнің 130 елінен 1700-ден астам оқушы мен 38 мың студент қатысты.

Олимпиадаға қатысушылар төрт бағытта бақ сынады: ғылым, технология, инженерлік іс пен математика.