Алматыда ірі жол-көлік апаты болып, 23 адам зардап шекті. Көпшілігі автобус жолаушылары. Қалалық полиция департаменті жол апатына байланысты тергеу жүріп, сот- медициналық сараптама тағайындалғанын хабарлады .

Облыстық денсаулық сақтау департаментінің мәліметінше, Алматы көпсалалы клиникалық ауруханасына 12 адам жеткізілген. Олардың денсаулық жағдайы тексеріліп, зардап шеккендер амбулаториялық ем қабылдауға жіберілді. Қалалық полиция департаменті жол апаты кеше кешкі 18:00 шамасында болғанын жеткізді. Автокран жүргізушісі Боралдай тасжолы бойымен шығыс бағытта келе жатып, тізгінге ие бола алмаған. Салдарынан бір бағытта қозғалып бара жатқан Mercedes-Benz және KIA көліктерімен соқтығысқан, кейін қарсы бағытқа шығып кетіп, автобус пен Subaru көлігіне соғылған.

Салтанат Әзірбек, қалалық ПД ресми өкілі:

Егер сот сараптамасы ауыр немесе орта дәрежедегі дене жарақаттарын анықтайтын болса, онда қылмыстық іс қозғалады. Егер дене жарақаттары жеңіл болып табылса бұл іс әкімшілік заңнама тұрғысында қарастырылатын болады. Қазір жүргізуші тергеуде. Қамауға алынған жоқ.

Айдана Қуантхан