Қылмысқа қатысты бар күдіктілер қамауға алынды .

Астана қалалық прокуратурасы жұмыссыздар мен мүмкіндігі шектеулі азаматтарға қатысты алаяқтық жасаған қылмыстық топтың әрекетін әшкерелеп, жолын кесті, деп жазады inbusiness.kz сайты.

Тергеу барысында қаскүнемдер азаматтарды көндіру арқылы екінші деңгейлі банктерде жоқ автокөліктерге заңсыз автонесиелер рәсімдегені анықталды. Барлығы 65 адам зардап шеккен, келтірілген залалдың жалпы сомасы 250 млн теңгеден асады.

Алаяқтар алынған қаражатты жеке мақсаттарына жұмсаған. Қылмыстық топтың әрекеттерінің салдарынан жәбірленушілер несиелік міндеттемелер бойынша қарыз болып қалған.

Кінәлі адамдарға қатысты ҚК-нің 262-бабы (ұйымдасқан топты, қылмыстық ұйымды құру және басқару, сол сияқты оларға қатысу) және 190-бабы (алаяқтық) бойынша сотқа дейінгі тергеп-тексеру жүргізілді.

Тергеу нәтижесінде іс сотқа жолданды.