13 шілдеде түнгі сағат 03:09 шамасында Алтынсарин ауданы, Щербаков кентінде орналасқан бос тұрған ғимараттың шатыры жанғаны туралы хабар түседі.

Оқиға орнына дереу өрт сөндіру тобы барып, қызыл жалында ауыздықтауға кіріседі, деп жазады inbusiness.kz сайты.

Көп ұзамай оқиға орнына учаскелік полиция инспекторлары Дулат Нұрумов пен Амантай Кенжебаев келіп жетті. Батылдық пен бастамашылдық танытқан полиция қызметкерлері аумақты тексеру үшін қазандық бөлмесіне кіреді.

Тексеру барысында олар қою түтіннің ішінде ұйықтап жатқан ер адамды байқайды. Уақыт жоғалтпай, оны қауіпті аймақтан шығарып, өмірін сақтап қалды.

Полиция қызметкерлерінің жанқиярлығы мен өрт сөндірушілердің жедел әрекеттері арқасында қайғылы жағдайдың алдын алуға мүмкіндік туды.

Ер адам дін-аман, ешқандай жарақат алмады және толық тексеруден өту үшін дәрігерлерге тапсырылды.