Успен ауданының прокуратурасына КХ "Бик" сот шешімімен өндіріп алынуға тиіс 18 миллион теңге көлеміндегі материалдық шығынның өтелмеуіне байланысты жүгінген.

Аталған қаражат сүт фермасын салу жөніндегі инвестициялық жоба аясында ірі қара мал сатып алуға қажет болған, деп жазады inbusiness.kz сайты.

Инвестордың уәждерін зерделеп, прокуратура сот актісінің орындалмауына байланысты Қылмыстық кодекстің 430-бабының 3-бөлігі бойынша істі СДТБТ АЖ-не тіркеді.

Сотқа дейінгі тергеп-тексеру барысында берешек толық өтелді. Фермер инвестициялық жобасын жалғастырып, 20 жұмыс орнын ашты.

Бұл ауданның аграрлық секторын дамытуға және әлеуметтік-экономикалық жағдайын жақсартуға елеулі үлес қосады.