1 қыркүйектен бастап Қазақстандағы айырбастау бекеттері валюта бағамын көрсететін электрондық таблоларды ғимарат ішіне орналастыруға міндетті болады .

Бұл талапты орындамаған кәсіпкерлерге айыппұл салынуы ықтимал, деп жазады inbusiness.kz сайты.

Ұлттық банк төрағасы Тимур Сүлейменовтің айтуынша, талапты сақтамағандарға қатысты шаралар Әкімшілік кодексте көрсетілген.

– Біз ережелерді әзірлейміз, ал жауапкершілік заңмен реттеледі. Жаңа талапты орындамағаны үшін 3-тен 5 айлық есептік көрсеткішке дейін (яғни 11 796 – 19 660 теңге көлемінде) айыппұл қарастырылған, – деді ол.