Жетісу облысында 1655 гектар жер мемлекет меншігіне қайтарылды
10.07.2025
Жетісу облысының Алакөл ауданында жер ресурстары тиімсіз пайдаланылған. Бұл туралы Бас прокуратураның баспасөз қызметі хабарлады.
Жергілікті әкімдік өкілеттігіне қарамастан, уақытша жер пайдалану мерзімі әлдеқашан өтіп кеткен жерді қайтару бойынша шара қолданбаған.
Прокурорлар жалпы көлемі 1655 гектарды құрайтын осындай 14 жер телімін анықтады.
Жалпы, кадастрлық құны 100 миллион теңге болатын барлық телім қадағалау актісімен мемлекеттің жер қорына қайтарылды.
