Желіде оқиға орнынан түсірілген бейнежазбалар таралды.

Талдықорған қаласында табиғи газ атқылады, деп хабарлайды inbusiness.kz сайты.

Оқиға 10 шілде күні болған. Желіде оқиға орнынан түсірілген бейнежазбалар таралды.

"5-ші ықшам ауданы маңында, Желтоқсан және Астана көшелерінің қиылысында газ иісі шығып жатыр. 104-ке хабарластық. Иісі өте қатты сезіледі", – делінген желіде таралған ақпаратта.

Жетісу облысының Төтенше жағдайлар департаменті оқиғаға қатысты пікір білдірді. Ресми ақпаратқа сәйкес, оқиға орнына жеткен құтқарушылар жер астындағы жоғары қысымды газ құбырындағы тарату желісінен газдың жанусыз сыртқа шығып жатқанын анықтады.

"Апат салдарынан өрт пайда болған жоқ. Газдың шығуы дер кезінде тоқтатылды. Қазір қауіп толық жойылды", – делінген хабарламада.

Мамандар жағдайды толық бақылауда ұстап отырғаны белгілі болды.