Қала бойынша Қазақстанда тұру ережесін бұзған шетелдіктердің 83 жағдайы тіркелген.

Атырау қаласында көші-қон заңнамасын бұзған шетел азаматтарына қатысты кешенді тексеріс нәтижесінде 27 адам елден мәжбүрлі түрде шығарылды, деп жазады inbusiness.kz сайты.

Қалалық полиция басқармасының көші-қон қызметі бөлімі шетел азаматтарының елімізде заңды түрде болуын қадағалау мақсатында тұрақты түрде рейдтік шаралар ұйымдастырып келеді.

Бұл жолы да сот шешіміне бағынбай жүрген шетелдіктер анықталып, тұрғылықты мекенжайларынан табылды.

Жалпы тексеру барысында 150-ден астам шетел азаматы қаралып, олардың 83-іне Қазақстан Республикасының Әкімшілік құқықбұзушылық туралы кодексінің 517 және 518-баптары бойынша хаттама толтырылды.

Ішкі істер органдары өкілдері көші-қон заңнамасын сақтау бағытындағы жұмыстардың жалғасатынын хабарлады.