Елімізде 18 ет комбинаты бар.
10 күннен кейін киік етінің келісі қаншадан болатыны белгілі болады. Бұл туралы Ауыл шаруашылығы министрі Айдарбек Сапаров айтты, деп хабарлайды inbusiness.kz сайты.
"Жұмыс енді басталды. Бұл мәселемен Экология министрлігі айналысып жатыр. Біздің міндет – ет комбинаттарын ақбөкен етімен қамтамасыз ету. Қазір 18 ет комбинаты бар. Ветеринарлар да бұған жұмылдырылды. Ет қандай бағамен қабылданатыны және сатылатыны логистикаға байланысты. 10 күннен кейін киік етінің келісі қаншадан болатыны белгілі болады", – деді АШМ басшысы Үкіметте өткен брифингте.
Айта кету керек, бұған дейін Қазақстан өңірлерінің бірінде киіктер атыла бастағанын жазғанбыз.
