Қарағанды облысында кәсіпорын ірі көлемде айыппұл арқалады, — деп хабарлайды Massaget.kz тілшісі .

Өңірдегі экологиялық жағдайды бақылау барысында "ГРЭС Топар" ЖШС тарапынан заңбұзушылықтар анықталған.

Прокуратура мәліметінше, Топар кентінде жүргізілген тексеріс барысында кәсіпорын суару және күл үйінділерінің учаскелерін кезең-кезеңмен құрғату кезінде экологиялық талаптарды сақтамауы салдарынан ауа шамадан тыс шаңданғаны анықталған.

Қарағанды облысының Экология департаментіне тексеру жүргізу туралы талап жолданған. Экология департаменті жүргізген тексеріс нәтижесінде заңбұзушылық расталған.

Тексеріс қорытындысы бойынша "ГРЭС Топар" ЖШС-ға 55 миллион теңге айыппұл салынды.

Өзекті жаңалықтарды өз уақытында оқу үшін Facebook парақшамызға жазылыңыз!