Елдің Хайбер-Пахтунхва провинциясындағы Солтүстік Вазиристан ауданында лаңкес жарылыс жасаған, деп жазады inbusiness.kz сайты.
AFP агенттігінің мәліметінше, лаңкес мина қойылған көлікті армия керуеніне бағыттаған. Шабуыл салдарынан тағы 10 сарбаз және 19 бейбіт тұрғын жарақат алған. Жарылыстан жақын маңдағы үйлер де зардап шеккен — екі ғимараттың шатырлары құлап, үйінді астында алты бала қалып қойған.
Қазіргі уақытта бұл шабуыл үшін ешбір лаңкестік ұйым жауапкершілікті мойнына алған жоқ. Дегенмен, бұл өңірде "Техрик-и-Талибан Пакистан" (TTP) содырлары белсенді әрекет етеді.
Бұл оқиға елде террорлық белсенділік көбейген кезде болып отыр. Наурыз айының өзінде Пәкістан армиясы Оңтүстік Вазиристандағы ұқсас шабуылдан кейін TTP-дің 10 содырдың көзін жойғанын хабарлаған. Сондай-ақ, наурызда BLA содырлары Jaffar Express пойызын жарып, 21 жолаушы мен 4 әскери қызметкерді өлтірген.
