Қытай бақылаудағы тауарлардың эскпортына рұқсат етілгенін растады, ал АҚШ тарапы Қытайға қарсы қолға алынған шектеу шараларын алып тастайтын болды , деп жазады inbusiness.kz сайты.

АҚШ пен Қытай сауда келісімі сәтті болғанын ҚХР-дің сауда министрлігі кеше хабарлаған. Бұл ретте министрлік өкілі ауқымды коммерциялық "соғыстың" тоқтағанын жеткізді.

Мәлімдеме Дональд Трамптың бейсенбі күні Ақ үйде журналистерге тараптардың келісімге келгенін жариялағанынан кейін жасалды. АҚШ президенті келісімге қатысты қосымша ештеңе айтпады.

Женевадағы май айының басындағы келіссөздер екі ел арасындағы сауданың тоқтауына әкелетін тарифтерді барынша көтеру туралы бастаманы кейінге қалдырды.