Бұдан былай Ұлттық қордың қаржысын пайдалану мен квазимемлекеттік сектор субъектілерінің даму жоспарларының орындалуы ашық жүргізіледі. Ал бюджеттік бағдарламаларды тиімсіз орындағаны үшін жауапкершілік күшейтілді. Бұл туралы бүгін Парламент палаталарының бірлескен отырысында Жоғары аудиторлық палата төрағасы Әлихан Смайылов мәлімдеді.

Яғни Үкіметтің жылдық есебінде Жоғары аудиторлық палатаның ұсынымдарын орындау нәтижелері көрсетілуі керек. Мемлекеттік қаржы статистикасы да жетілдіріледі. Әлихан Смайыловтың айтуынша, тәуекелдерді бағалау және талдауды қамтитын борыштық міндеттемелерді кешенді басқару институты енгізілді. Жиында Жоғары аудиторлық палатаның қаржы жүйесінің тиімділігін арттыруға арналған басқа да ұсыныстары талқыланды. Үкіметте өткен жылғы ұсынымдардың жартысына жуығы іске асырылғаны айтылды, жыл соңына дейін тағы бесеуі орындалады.

Әлихан Смайылов, ҚР Жоғары аудиторлық палатасының төрағасы:

- Бірінші әлеуметтік экономикалық даму болжамының көрсеткіштерін қалыптастыру кезінде ашықтықты қамтамасыз ету жөніндегі жұмысты жақсарту керек.