Бұқаралық ақпарат құралдары қызметкерлері күні қарсаңында «AMANAT» партиясы ұйымдастырған дәстүрлі медиа байқаудың жеңімпаздары марапатталды, деп хабарлайды El.kz интернет порталы.

Биылғы шара елдегі реформалар, еңбек адамдары, жастар саясаты, экология және өңірлік даму сияқты маңызды тақырыптарды қамтыған.

Байқау қорытындысы бойынша El.kz интернет порталының тілшісі Ақмарал Ағзамқызы «Жастар туралы үздік материал» номинациясында жеңімпаз атанды. Бұл марапат – ақпарат кеңістігінде жастардың белсенділігі мен қоғамдағы рөліне терең үңіле білген журналист еңбегінің нәтижесі.

Жалпы, «AMANAT медиа сыйлығы» он аталым бойынша табысталды. Сонымен қатар, Шерхан Мұртаза мен Камал Смайылов атындағы «Телевизия үздігі», «Алаш аманаты» және «Белсенді азаматтық ұстанымы үшін» арнайы сыйлықтары да өз иелерін тапты.

Жеңімпаздарға мүсінше мен ақшалай сыйлықтар табыс етілді.

Әріптесіміз Ақмарал Ағзамқызын жеңісімен шын жүректен құттықтаймыз!

Айта кетейік, бұған дейін «AMANAT» партиясы журналистерге арналған жыл сайынғы республикалық байқау жариялағаны жайлы жазған едік.