Алматы облысында Талғар өзеніне құлап кеткен әйел мен баланы құтқарушылар іздестіріп жатыр.

Облыстық төтенше жағдайлар департаментінің мәліметінше, 1981 жылы туған әйел мен оның 2015 жылы туған баласы Іле-Алатау мемлекеттік ұлттық табиғи паркінің аумағындағы Маралсай шатқалына демалуға барған. Алайда суға құлап, қатты ағыс оларды алып кеткен, деп жазады inbusiness.kz сайты.

Құтқару-іздестіру жұмыстары 22 маусым күні сағат 15:55-те басталған. Сағат 18:35 шамасында Республикалық жедел-құтқару жасағының мамандары әйелдің мәйітін судан алып шықты. Ал баланы іздеу жұмыстары әлі жалғасып жатыр.

Іздестіру операциясына 110-ға жуық маман мен 20-дан астам техника жұмылдырылған.