Бөтеннің мүлкін аса ірі мөлшерде ұрлаған күдікті Ресейден экстрадицияланды , — деп хабарлайды Massaget.kz тілшісі.

Тергеу мәліметі бойынша ол 2015-2017 жылдар аралығында Астана қаласы банктерінің бірінің филиалының жетекші менеджері болып, 31 миллион теңгеден аса қаражатты иемденген.

Қылмыс жасағаннан кейін күдікті жасырынып, оған халықаралық іздеу жарияланған.

"Былтыр маусымда іздеуде жүрген адам Ресей Федерациясының Мәскеу қаласында ұсталды. Қазақстан Республикасы Бас прокуратурасының сұрауы бойынша Қазақстанға экстрадицияланды. Ол тергеу изоляторына қамалды", — деп жазылған хабарламада.

Бұл қылмысты жасағаны үшін мүлкін тәркілеп, жеті жылдан он екі жылға дейінгі мерзімге бас бостандығынан айыру жазасы қарастырылған.

Instagram парақшамызға жазылып, ең қызықты ақпараттарды бірінші болып оқыңыз!