Белгілі қоғам қайраткері, тіл жанашыры Дос Көшім еліміздегі қазақ тілінің болашағы туралы өз ойын ортаға салды.

Бұл туралы Caravan.kz медиа порталы хабарлайды.

Қайраткер өзінің өткір ойын «Qazaq.Airan» жобасында айтты.

«Орыс тілін білмесең, адам болмайсың деген сөзі өзіміз естіп өстік. Бірақ қазір орыс тілді азаматтар балаларына соны айта ма? Қазақ тілін білмесең адам болмайсың деп. Айта алмайды. Себебі, Кеңес Үкіметі кезіндегі орыс тіліне жасалған жағдай, қазақ мемлекетінде қазір қазақ тіліне жасалып тұрған жоқ.

Егер ондай жасалса, кез келген ата-ана, орыс, кәріс болсын балаларына: «Балам, қазақ тілін білмесең, адам болмайсың бұл жерде. Осы тілді үйрен, осы мемлекетте өмір сүрсең» деп айта ма? Менің ойымша 0,01 пайыз айта алмайды мұндайды.

Қажеттілік жоқ, енді осы қажеттіліктің соңы қауіпті. Себебі орыс тілді азаматтарға қажеттілігі жоқ қазақ тілін білудің, билет алады, мектепке барады, банктен шот ашады орыс тілінде.

Қазақтарға да қазір қажеті жоқ болды, бұрын орыс тілін болмайтын, қазір жоқ. Сонымен не пайда болды, екі тілді топ пайда болды. Орыс тілді, қазақ тілді, мыналардың көргенін біз көрмейміз.

Біздің көрген айтысты мыналар көрмейді. Біз бір-бірімізден алшақтап бара жатырмыз, бұл өте қауіпті. Бір шаңырақтың астында отырған унитарлы мемлекет үшін, екі тілдік топтың жасалуы өте қауіпті.