Сот қаулысы әзірге заңды күшіне енген жоқ.

Алматы қаласының әкімшілік құқық бұзушылық істері жөніндегі мамандандырылған ауданаралық соты "әлеуметтік эксперимент" жасаған блогер Т.-ға қатысты әкімшілік істі қарады, деп жазады inbusiness.kz сайты.

Сот мәліметінше, Т. тәжірибе жүргізу кезінде қоғамдық тәртіпті бұзып, қоғамдық орынды ластаған және айналасындағы адамдарға құрметсіздік танытып, дөрекі мінез көрсеткен. Оның бұл әрекеттері бейнежазбаға түсіріліп, кейін әлеуметтік желілерде жарияланған.

– Сот отырысында Т. өз кінәсін мойындап, іс материалдарындағы деректерді растады. Сот оны Әкімшілік құқық бұзушылық туралы кодекстің 434-бабы 1-бөлігі бойынша кінәлі деп танып, 10 тәулікке әкімшілік қамауға алу туралы шешім шығарды, – делінген Алматы қалалық сотының хабарламасында.