Университеттің мәліметінше, оқиғаға байланысты құзырлы органдар тергеу жүргізіп жатыр, деп жазады inbusiness.kz сайты.

Назарбаев Университеті жатақханалардың бірінде болған қайғылы оқиғаға байланысты студенттің қазасы жөнінде ресми мәлімдеме таратты.

– Университет ұжымы марқұмның туыстары мен жақындарына қайғыра көңіл айтады. Қазір отбасына моральдық және материалдық көмек көрсетіліп жатыр, – делінген оқу орнының баспасөз қызметінің хабарламасында.

Оқиға орнына құқық қорғау органдарының қызметкерлері мен психологтер жұмылдырылған.

– Барлық қажетті шаралар қолға алынды. Университет әкімшілігі жағдайды жіті бақылауға алды, – деп атап өтті баспасөз қызметі.

Сондай-ақ университет пен марқұмның туыстары расталмаған ақпарат таратпауға шақырады. Жақындары бұл ауыр жағдайдың әлеуметтік желілер мен мессенджерлік топтарда жария болмауын сұрайды.