2025 жылғы мамырда 128,1 мың бірлік автокөлік құралы есепке қойылды, деп хабарлайды El.kz интернет порталы.

Оның ішінде:

жеңіл автомобиль – 113 мың бірлік;

жүк көлігі – 8 мың бірлік;

автобус – 1,4 мың бірлік;

мототранспорт – 5,7 мың бірлік.

Ұлттық статистика бюросының мәліметінше, былтырғы мамыр айымен салыстырғанда бензинмен жүретін автокөліктер саны 15,3%, дизель отынымен жүретіндер 13,9%, газбен жүретіндер 36,2%, аралас отынмен жүретіндер 9,3% өскен. Бұл ретте электромобильдер саны бір жылда 66,9% артқан.

Ал 2025 жылғы 1 маусымдағы жағдай бойынша Қазақстанда тіркелген автокөлік құралдарының саны 6 302,5 мың бірлікті құрады.