Ақсу ферроқорытпа зауытына 850 миллион теңге көлемінде айыппұл салынды, деп хабарлайды 24kz.

Кәсіпорын қоршаған ортаға шектен тыс зиянды заттар шығарған. Биыл үш айдың өзінде ауаға таралған ластаушы заттардың көлемі 660 тоннадан асып кеткен. Бұл белгіленген нормадан едәуір көп. Мамандардың айтуынша, ауа сапасының нашарлауы өңірдегі ең өзекті экологиялық мәселелердің бірі болып қалуда.

Әсет Сыздықов, Экология департаменті басшысының орынбасары:

- Айыппұл көлемі неліктен 850 миллион теңге десеңіз, себебі Әкімшілік құқықбұзушылық туралы кодекстің 328-бабы 1-бөлігіне сәйкес зиянды заттар рұқсат етілген көлемнен асқан жағдайда төлем ставкасынан 10 мың пайыз мөлшерінде айыппұл қарастырылған. Қазір салынған айыппұл толық көлемде мемлекет кірісіне төленді.