Ақтау қаласында 7-12 маусым аралығында жағажай волейболынан ел біріншілігі өтті, деп хабарлайды El.kz интернет порталы.

2011-2012 жылдары туған жасөспірім ұлдар арасындағы жарыстатүркістандық спортшылар топ жарып, жеңімпаз атанды.

Облыс намысын қорғаған Арыс қаласының жас спортшылары Бексұлтан Базарбай мен Нұрсұлтан Әбілбек барлық қарсыластарын жеңіп, облыс абыройын асқақтатты.

Өңірлік коммуникациялар қызметінің мәліметінше, жасөспірімдердің жетістікке жетуіне тәжірибелі бапкерлер Ербол Спатай мен Файзулла Мамықов өз үлестерін қосқан. Олар қос спортшыны жарысқа жан-жақты әрі жүйелі дайындап, жеңіске жетелеуде кәсіби шеберлік танытқан.