Әлемдік деңгейде танылған қазақстандық жас режиссёр Айсұлтан Сейітовтың отбасында қайғылы оқиға болғанын жазды, деп хабарлайды Skifnews.kz ақпарат порталы.

Ол әлеуметтік желідегі парақшасында атасы Балтабек Қуандықовтың өмірден өткені туралы мәлімдеген.

«Мен бұл өмірде бұрын-соңды өлімге мұншалықты жақын келмеппін. Енді сол сәт келіп жетті. Сенбі күні мен асқар тауым — Атамнан айырылдым. Ол мен үшін жай ғана отбасы мүшесі емес еді, мен өзімнің өмірлік ұстазымнан, жол көрсетуші жұлдызымнан айырылдым. Атам – қандай жағдай болса да арқа сүйер тірегім, ақылшым болды. Ол мені және менің таңдауымды ешқашан сынамай, шын жүректен қабылдайтын. Ол мен дүниеге келген сәттен бастап өмір жолыма бағыт берді. «Айсұлтан» деп мені өзі атады. Сондықтан бұл есімді мен әрдайым мақтанышпен көтеріп жүрмін. Қымбатты Ата, барлығы үшін алғыс айтамын. Сенсіз өмір сүріп үйрену маған өте қиын. Сен – ұлы адам едің, шын үлгі болатын тұлға болдың. Мендегі бар жақсы қасиеттер сенен дарыған. Мұндай Атаны тек армандауға ғана болатын шығар. Бәріңіз біліп жүріңіздер: мен — осындай атаның немересімін», — деп жазды режиссёр.