Алматы қаласы Саялы шағын ауданында жеңіл көлік пен автокран соқтығысып, үш адам жарақат алған, деп хабарлайды Egemen.kz.

«Алдын ала мәлімет бойынша, апат салдарынан үш адам зардап шекті. Олардың бірі көлік салонында қысылып қалған. Құтқару қызметінің мамандары оқиға орнына сағат 22:10-да жетіп, жедел әрі үйлесімді әрекетінің арқасында 22:18-де барлық зардап шеккендерді көліктен шығарып алды. Бұл жұмыстар арнайы техника қолданбай-ақ орындалды», деп мәлімдеді 109 құтқару қызметінің баспасөз қызметі.

Жарақат алғандар жедел жәрдем бригадаларына тапсырылып, әртүрлі ауруханаларға жеткізілген.