Жәнібектің үндеуі тек бос сөз емес, қазақ боксшысының нағыз чемпион ретінде өзіне сенімді екенін көрсететін ашық мәлімдемесі.

Жәнібектің басты мақсаты үшінші белбеуді алу.

"Мен Карлоспен жекпе-жек өткізгім келеді. Мұны бәрі біледі. Бұл жайында менеджеріммен сөйлестім. Ол келіссөздердің жүріп жатқанын растады. Демек, жанкүйерлер асыға күткен үлкен жекпе-жек күні алыс емес сияқты. Егер Карлос қорқып, шегінбесе, бұл шайқас міндетті түрде өтеді", - деді Жәнібек Әлімханұлы.

Бұл орта салмақтағы әлем чемпионы Жәнібек Әлімханұлының жанкүйерлерін желпіндірген мәлімдемесі. Әлем жанкүйерлері асыға күткен Жәнібек пен Карлос арасындағы жекпе-жек шын мәнінде тарихқа айналуы мүмкін.

Айта кетейік, Карлос Адамес ақпан айының соңында британдық Хамза Ширазбен кездесіп, чемпиондық белбеуін қорғаған. Ол жекпе-жек тең нәтижемен аяқталған болатын.

Ал, Жәнібек Әлімханұлы 5-сәуір күні Астанада француз Анауэль Нгамиссенгемен жұдырықтасып, қарсыласын 5-раундта нокаутқа түсірді.

Ендігі үміт қарсыластың батыл шешімінде. Бастысы Карлос соңғы сәтте қашып кетпесе болғаны