Облыстың прокуратурасы құрылыс саласында лицензия берудің заңдылығына талдау жүргізіп, 12 компанияның жұмысынан заңсыздық әшкерелеген, деп жазады inbusiness.kz сайты.

Компаниялар құрылыс жүргізуге рұқсатты заңсыз алған. Оларды алу үшін құрылыс салушылар бір меншік иелерінен жалға алынған өндірістік базаларды пайдаланғаны, сонымен қатар өтінімдерде бірдей инженерлік-техникалық қызметкерлерді жариялағаны анықталды.

"Тексеріс нәтижесінде 12 мекеменің барлығы әкімшілік жауаптылыққа тартылды. Жалпы сомасы 5 миллион теңгеден астам айыппұл салынды. Анықталған бұзушылықтар жойылғанға дейін компаниялардың қызметі тоқтатылды. Құрылыс саласындағы заңдылықты қамтамасыз ету жұмыстары жалғасып жатыр", — делінген хабарламада.

Енді облыстың прокуратурасы бұндай заңсыздықтарды анықтаумен белсенді айналысатындарын жеткізіп отыр.