Іс бойынша прокурор соттан айыпталушыны бас бостандығынан айыруды сұрады.

Алматы қаласында мемлекеттік мекеме басшысының орынбасары сеніп тапсырылған мүлікті ысырап еткені үшін сотталды, деп жазады inbusiness.kz сайты.

Алмалы аудандық сотында М. есімді азаматқа қатысты қызметтік өкілеттігін асыра пайдалану, кәсіпкерлік қызметке заңсыз араласу және сеніп тапсырылған мүлікті иемдену фактілері бойынша қылмыстық іс қаралды.

Сот мәліметінше, ол 2022 жылдың желтоқсанынан 2023 жылдың қыркүйегіне дейін мемлекеттік мекемеде лауазымды қызмет атқара отырып, "Б" жауапкершілігі шектеулі серіктестігінің жұмысына заңсыз араласқан. Қызметтік өкілеттігін пайдалана отырып, аталған компанияға қолдау көрсетіп, жеке мүддесін көздеген. Нәтижесінде мемлекетке 12 миллион теңгеден астам шығын келтірілген.

Алайда сотталушы өз кінәсін мойындаған жоқ.

Сот үкіміне сәйкес, М. кінәлі деп танылып, оған 4 жыл 6 ай мерзімге бас бостандығынан айыру жазасы тағайындалды.