Кедендегі кептеліс. Түркістан облысындағы Қабланбек кеден бекетінде соңғы 4 күннен бері көліктер кептеліп тұр. Өзбекстанға шекара асатын жүргізушілер кезегін 10-13 сағат күтетінін айтады. Тәулік бойы тұрғандар да табылды. Ал кеденшілер болса жолаушылардың саны 5 есеге артты деп отыр. Кептелістің қашан реттелетінін өңірлік тілшіміз Айнұр Әбілқасымқызы білуге тырысты.

Қабланбек кеден бекетіндегі кептеліс соңғы күндері үйреншікті жағдайда айналып кеткендей. 40 градус ыстықта көліктер кезегін күтіп, шекарадан өте алмай тұр. Басым көпшілігі ресейлік көліктерді тізіндеген шетелдік жүргізушілер. Бала-шағасымен үйіне асыққандар кезектің жылжымайтынына наразы.

Қазір Қапланбекте 3 жүздей көлік кезекте тұр. Кеденшілер оған Құрбан айтқа асыққан шетел азаматтары мен жазғы демалысқа шыққан саяхаттаушылар санының артуы себеп дейді. Оның үстіне қазір Өзбекстанға өтетін Жібек жолы, Тәжен, Атамекен, Қазығұрт бекеттері жабық. Соның салдарынан бүгінге дейін тәулігіне 40 мыңдай адам мен 700-800 көлік кіріп шықса, қазір жолаушылар саны 55 мыңға дейін жеткен. Ал көліктер саны 1500 ге дейін артқан. Бұлда кеденшілерге киындық туғызуда.

Қайрат Мұздыбаев, «Қапланбек» кеден бекеті басшысының міндетін атқарушы:

Әр ауысымға 8-10 қызметкерден қосылды. Әр күні 25 қызметкерден түссе, қазір 35-36 қызметкерден түсіп жатыр. Енді сол қызметкерлерді олардың барлығын шығу дейміз ғой, экспорт бағытына жұмысқа бақылау өткізуге қойдық.

Аталған мәселені реттеу үшін екі елдің кеден комитеті басшылары шекарада кездесті. Тараптар шекарадағы жағдайды реттеу мен жеңіл автокөліктерді өткізу жайын талқылады.

Қайрат Жұмағұлов, Мемлекеттік кірістер комитеті төрағасының орынбасары:

Өзбекстан тарапы Навой кеден бекетіндегі қызметкерлердің санын көбейтетін болды. Сонымен қатар көліктерді өткізетін тағы бір жолақ ашатынын жеткізді. Жүгі көп көліктерді бөлек арнайы тұрақта тексеріп, кіргізетін болды.

Сонымен қатар кеденшілер бір ай уақыт аралығында «Атамекен» мен «Қазығұрт» кеден бекеттеріндегі жөндеу жұмыстары аяқталады деп сендірді. Бұл шекара асатын көліктер мен жолаушылар санын біршама азайтуға сеп болмақ.

Айнұр Әбілқасымқызы