Енді жедел жәрдем қызметкерлері бейнежетон тағып жүреді. Денсаулық сақтау министрлігі ақхалаттылардың қауіпсіздігі үшін осындай қадамға барып отыр, деп хабарлайды 24kz.

Камераларында GPS және дабыл түймесі бар жаңа құрылғы Астана мен Алматыда сынақтан өтіп жатыр. Болашақта бейнежетонды емханадағы дәрігерлер мен медбикелер де пайдаланбақ. Құрылғының тиімділігі сол, дәрігер өзіне қауіп төнген жағдайда дереу полицияға SOS дабылын жібере алады. Ондағы жазбалар автоматты түрде дерекқорға жүктеледі. Жоба сәтті іске асса, еліміздің барлық жедел жәрдем қызметкерлері осы құрылғымен жабдықталады.