Алматыда жаңа туған нәрестені сатпақ болған қылмыстық топ ұсталды, деп хабарлайды 24kz.

Оларды Ұлттық қауіпсіздік комитеті мен полиция департаментінің Ұйымдасқан қылмысқа қарсы күрес басқармасының қызметкерлері құрықтады. Күдіктілер өз әрекетін әлеуметтік желі арқылы жүзеге асырып отырған. Олар тұрмыстық жағдайы төмен жандарға ақша ұсынып, баласын сатуды сұраған. Қылмыстық топ мүшелері жаңа туған ұл баланы қомақты ақшаға сатып жатқан кезде ұсталды. Бұл жағдай бойынша қылмыстық іс қозғалды. Күдіктілер қамауға алынды. Тергеу амалдары жүргізіліп жатыр. Сонымен қатар олардың бұған дейін де осындай қылмысқа қатысы бар-жоғы тексеріледі.