Ана мен баланың жағдайы жақсы.

Маңғыстау облысына қарасты Мұнайлы ауданының тұрғыны он екінші баласын дүниеге әкелді, деп хабарлайды inbusiness.kz сайты Lada.kz-ке сілтеме жасап.

Қыз бала 29 мамыр күні сағат 07:40-та дүниеге келген. Нәрестенің салмағы – 3 900 грамм, бойы – 53 см.

35 жастағы Ақмоншақ Жақсылықованың алғашқы үш баласы қыздар, одан кейін екі ұл бар, сосын тағы қыздар туған.

Дәрігерлердің айтуынша, босану сәтті өткен. Ана мен баланың жағдайы жақсы, екеуі де үйіне шығарылды.

"Демография тұрғыдан қарайтын болсақ, әрине бұл жақсы. Алайда дәрігер ретінде әйел ағзасы қалпына келуі керек деп үнемі айтып отырамын. Бала көтеру мен босану әйелден көп күш қажет етеді, сол себепті босанулардың арасында жоқ дегенде екі жыл үзіліс болғаны дұрыс. Осы аралықта ағза қалпына келеді", – деді перинаталдық орталық басшысы Жапырақ Епенова.