Жылыой ауданының әкімдігі тұрғындарға ескерту жасады.

Құлсары қаласының маңындағы Қамыскөл көлінен алынған су сынамасынан санитарлық-бактериологиялық, санитарлық-химиялық көрсеткіштерге жасалған талдау қорытындысымен оң нәтиже анықталды, деп хабарлайды inbusiness.kz сайты.

"Осыған байланысты аталған көлдің суына уақытша түсуге тыйым салынады. Аудан тұрғындары мен қонақтарына денсаулықтың маңызы үшін аталған шараны қатаң сақтауды ескертеміз", – деп хабарлады әкімдіктен.

Қамыскөл көлі – Жылыой ауданындағы Құлсары қаласының батыс бөлігіне таяу орналасқан су айдыны. Оның аумағы аса үлкен емес, шамамен ұзындығы – 3,2, ал ені 1,3 шақырымды құрайды. Аталған көл Жем өзенінен Бақашы және Құрсай каналы арқылы келген сумен толығады.