Облыс әкімдігінің хабарлауынша, жанармай құю бекетіндегі жойқын жарылыс салдарынан зардап шеккендердің саны 16 адамға жетті , деп жазады inbusiness.kz сайты.

Жанармай бекеті 30 мамырда жарылған болатын. Алғашқыда 14 адам жарақат алғаны айтылған. Алайда кейіннен бұл сан артты. Қызыл жалын 450 шаршы метрді шарпыды.

Зардап шеккендердің қатарында 25-тен 75 жасқа дейінгі азаматтар бар. Олардың денелерін 5%-дан 22% аралығында күйік шалған. Жылыой аудандық ауруханасының директоры Асұлан Абдрахмановтың айтуынша, қазір 5 адам ауруханада ем қабылдауда. Тағы 6 адам амбулаториялық емделуге үйіне жіберілсе, 3 науқас облыстық ауруханаға ауыстырылған.

"Пациенттердің жағдайы тұрақты. Өмірлеріне қауіп жоқ", – дейді дәрігер.

Әкімдік бұған дейін зардап шеккендерге көмек көрсетілетінін хабарлаған.