Депутат Дәулет Тұрлыханов Қазақстанның халық әртісі танымал әнші Роза Рымбаеваға темір тұлпар сыйлады, деп хабарлайды KAZ.NUR.KZ Instagram-дағы "Абай Ақпарат" веб-ресурсына сілтеме жасап.

Хабарламаға сүйенсек, Абай облысы Жарма ауданы Қалбатау ауылында ашық аспан астында гала концерт өтті.

Кешкі уақытта орталық алаңға тұрғындар көптеп жиналып, отбасымен бірге ашық аспан астында ұйымдастырылған ірі концерттік бағдарламаны тамашалады.

Сахнада Қазақстанның халық әртісі Роза Рымбаева, Әли Оқапов, Мәди Рымбаев, Медеу Арынбаев және Kalifarniya өнер көрсеткен.

Кештің ең әсерлі сәттерінің бірі Роза Рымбаеваның сахнаға шығуы болды. Көрермендер өнер иесін зор ықыласпен қарсы алып, оның танымал әндерін бірге шырқады.

Айта кетейік, аталған мәдени концерт мәжіліс депутаты Дәулет Тұрлыхановтың қолдауымен ұйымдастырылды. Концертте депутат халық әртісі Роза Рымбаеваға темір тұлпар сыйға тартқан.

Посмотреть эту публикацию в Instagram

Публикация от 018.KZ — ABAI AQPARAT (@abaiaqparatkz)

Мәтіннен қате тапсаңыз, бізге жазыңыз