Дәстүрлі "Соңғы қоңырау" рәсімі 25 мамырда өтеді.

Қазақстанда 2025-2026 оқу жылының соңғы аптасы басталды. Бұл аптада оқушылардың тоқсандық және жылдық оқуы қорытындыланып, нақты үлгерімі айқындалады.

Ал 25 мамыр – дүйсенбі күні "Соңғы қоңырау", яғни мектеппен қоштасу шарасы өтеді.

Жазғы каникул 26 мамырдан 1 қыркүйекке дейін созылып, 98 күнді құрайды.

Ал емтихан тапсыратын оқушылар мен түлектер үшін оқу-ағарту министрінің бұйрығына сәйкес қорытынды аттестаттаудың келесі мерзімдері бекітілген:

9 (10) сыныптар үшін қорытынды бітіру емтихандары – 29 мамыр мен 11 маусым аралығы;

11 (12) сыныптар үшін мемлекеттік бітіру емтихандары – 2-15 маусым аралығы.

9-сынып оқушылары келесі емтихандарды тапсырады:

• математикадан (алгебра) жазбаша емтихан – 29 мамыр;
• таңдау пәні бойынша жазбаша емтихан – 3 маусым;
• қазақ тілі/орыс тілі және ұйғыр/тәжік/өзбек тілдерінде оқытатын мектептер үшін ана тілі бойынша эссе түріндегі жазбаша емтихан, ал гуманитарлық цикл пәндерін тереңдетіп оқытатын мектептерде – жазбаша жұмыс (мақала, әңгіме, эссе) – 8 маусым;
• оқыту тілі орыс/өзбек/ұйғыр/тәжік тілдеріндегі сыныптарда қазақ тілі мен әдебиетінен және оқыту тілі қазақ тіліндегі сыныптарда орыс тілі мен әдебиетінен жазбаша емтихан – 11 маусым.

11 (12) сынып түлектері:

• Қазақстан тарихынан ауызша емтихан – 2 маусым;
• алгебра және анализ бастамалары пәнінен жазбаша емтихан – 5 маусым;
• қазақ тілі/орыс тілі және ұйғыр/тәжік/өзбек тілдерінде оқытатын мектептер/сыныптар үшін ана тілі (оқыту тілі) бойынша жазбаша емтихан – 9 маусым;
• таңдау пәні бойынша жазбаша емтихан – 12 маусым;
• оқыту тілі өзбек/ұйғыр/тәжік/орыс тілдеріндегі мектептер/сыныптарда қазақ тілі мен әдебиетінен және оқыту тілі қазақ тіліндегі мектептер/сыныптарда орыс тілі мен әдебиетінен жазбаша емтихан – 15 маусым.

5-8 және 10-сынып оқушылары мамыр айының соңында қазақ тілі пәнінен емтихан тапсырады.

Оқи отырыңыз:

• "Қайтадан құл боламыз". Мұғалімдер мектепті жергілікті әкімдіктің қаржыландыруына неге қарсы
• "Көйлек пен көлік жарысы". Ринат Зайытов мектеп бітіру кештерін заңмен тоқтатуды ұсынды