Салтанатты жиын барысында еңбегі мен ерлігі елді сүйсіндірген азаматтардың есімдері жарияланды. Жеңімпаздарға «Кәсіби жетістіктері үшін» және «Елеулі үлесі үшін» аталымдарында ұлттық «Алтын Адам – Жыл адамы» сыйлығы табысталды.

Дәстүрге сай, жоба аясында үміткерлерді іріктеу халық арасында жүр­гізілетін әлеуметтік сауалнамадан басталады. Одан бөлек жобаға қатысушылар ұсынған деректерге, сондай-ақ өздерінің кәсіби тәжірибесі мен сараптамалық қорытындыларына сүйене отырып, қазылар алқасы әрбір үміткерге дауыс береді.

Іс-шара аясында «Шығармашылық жетістіктері үшін» арнайы сыйлықтары да табысталып, «Қоғамдық мойындау» халықтық сыйлығының лауреаттары марапатталды.

Ұлттық «Жыл адамы» – «Жыл таң­дауы» – тәуелсіз жоба. Ол бұқаралық ақпарат құралдары мен халықаралық ұйымдар тарапынан зор қолдауға ие. Жобаның ұстанымы – Отанға деген шынайы сүйіспеншілік.

Иә, «Жыл адамы» – «Жыл таң­дауы» фестивалі халықаралық мәрте­беге ие екені сөзсіз. Бес елде, атап айт­сақ, Қазақстанда, Қырғызстанда, Өз­бекстанда, Украинада, Беларусь елінде өткізіледі.