Алматының үш ауданында жарық өшіп қалды. Өтеген батыр атындағы көшеде орналасқан жоғары кернеулі электр жеткізу желісінде жарылыс болды. Салдарынан Әуезов, Бостандық және Алмалы ауданы ішінара жарықсыз қалды.

Оқиға орнына өртке қарсы қызмет, полиция және жедел жәрдем қызметі келген. Абырой болғанда зардап шеккендер жоқ. Оқшаулағыш материалдың сынықтары жақын жердегі медициналық орталықтың терезелерін және бір жеңіл көлікті зақымдады. Оқиға таңғы сағат 9:00-ге таман болды. Бағдаршамдар өшіп, көшелерде кептеліс туындады. Арада 20 минут өткенде желі қалпына келтіріліп, жарық берілді.