Тележурналист Дана Нұржігіт «КЕШREC» бағдарламасында қонақ болып, «Хабар» телеарнасындағы алғашқы еңбек жолын еске алып, көзіне жас алды, деп хабарлайды Skifnews.kz ақпарат порталы.

Ол телеарнаға алғаш келген кезде сегіз ай бойы штаттан тыс жұмыс істегенін, сол уақытта анасының оны басқа салаға кетуге үгіттегенін айтты.

«Бір тиын ақша алмадым. Осы жердің еденін жууға даяр болдым. Барып кел, шауып келге ғана лайық бала едім. Үлкен кісілердің қолына су құйып өстім. Қай жұмысқа жексе де абыроймен атқаруға тырыстым. Әкімші де, ассистент те болдым. Менің жұмысқа келгенде кірпияздығым жоқ. Сол еңбекқорлығыма өзім дән ризамын. Ал анам “таңертең кетесің, тілің салақтап түнде келесің. Ол жерде сені кім күтіп отыр? Танысымыз да жоқ, телевизияда ешкіміміз жоқ, сен ол жақтан не іздеп жүрсің? Консерваторияны бітірдің, қолыңдағы дипломмен неге мұғалім болмайсың?” деп үнемі ренжитін. Бірақ сегіз айдан кейін алғашқы 12 мың теңге жалақымды алып, анама әдемі кардиган сыйладым», — деп естелігін бөлісті Дана Нұржігіт.

Посмотреть эту публикацию в Instagram

Публикация от «Хабар» телеарнасы (@khabartv)