Қызылорда облысында тағы 5 мың гектар күріш алқабында суармалы су үнемделді. Енді бұл көрсеткіш 60 мың гектарға жетті. Бұл «Таза Қазақстан » экологиялық бағдарламасы аясында мүмкін болды.

Қазір су арналарына есептеу құрылғылары орнатылып, лазерлік технологиямен тегістеліп жатыр. Су шаруашылығы нысандарында каналдарды автоматтандыру жағы да қолға алынды. Су ресурстарын тиімді пайдалану және қорғау мәселесі политехникалық жоғары колледж студенттеріне жан-жақты айтылды.

Елдос Қабылұлы, «Қазсушар» РМК филиалының бөлім басшысы:

- Қазіргі таңда суды үнемдеу өте күрделі мәселе болып отыр. Атап айтатын болсақ, биыл облыста өте күрделі су тапшылығы болды. Су тапшылығының алдын алу мақсатында іс-шаралар қабылданды. Суды үнемдеп пайдалану, қашыртқы суын қайта пайдалану, каналдарды кезекке қою іс-шаралары атқарылып, облыста еккен егістің 98 пайызын аман алып шығуға өз әсерін тигізді.