Ақтауда көлік отқа оранды
17.10.2025
Ақтаудағы 17-шағынаудандағы №54 үйдің алдында Subaru Forester көлігі өртенді, деп хабарлайды Skifnews.kz ақпарат порталы.
Куәгерлер түсірген видеода бірнеше жас жігіттің жарылыстан қауіптене отырып, өртті өрт сөндіргіштермен сөндіруге тырысқаны көрінеді.
Маңғыстау облыстық ТЖД мәліметінше, 2002 жылғы көліктің мотор бөлігі жанған. Өрт сөндірушілер жеткенше тілсіз жау толық сөндірілген. Абырой болғанда, зардап шеккендер жоқ.
Қазір өрттің шығу себебі анықталып жатыр.
