Елімізде Қаржы мониторингі агенттігінің бастамасымен «қаржылық қауіпсіздік» бойынша республикалық диктант өтіп жатыр.
Ел бойынша FinIQ тестіне 1 млн 222 мың қазақстандық тіркелген. Олардың 975 мыңнан астамы өз білімін сынады. Қатысушылар қаржылық пирамидалардан сақтану, «дроп» ұғымы, жеке деректер мен онлайн-төлемдердің қауіпсіздігіне байланысты сауалдарға жауап берді. Ал бүгін қалалық №82 «Дарын» лицейінде 150-ден аса оқушы сынақтан өтті.
Нұрғали Аязов, Қалалық экономикалық тергеп-тексеру департаментінің аға жедел уәкілі:
- Қаржылық мониторинг агенттігі «Заң және тәртіп» және «Адал азамат» тұжырымдамасы аясында 10 айдың ішінде 200-ден астам қаржылық қауіпсіздікке арналған іс-шара өткізізді. Ел бойынша «FinIQ» тестін ұйымдастырып, азаматтардың қаржылық сауаттылық деңгейін тексердік. Тестте жеке деректерді қорғау, банк өнімдерін дұрыс пайдалану, онлайн төлемдердің қауіпсіздігі және дропперлер жайлы сұрақтар қамтылды. Қатысушылардың көпшілігі 70-тен жоғары балл жинап отыр. Бұл жақсы көрсеткіш. Дегенмен соңғы жылдары алаяқтық әрекеттер көбейгендіктен, біз бұл жұмысты міндетті түрде жалғастырамыз.
Еркетай Шайхина, №82 «Дарын» мамандандырылған лицей директорының орынбасары:
- Тест тапсырған кезде видеороликтер, ақпараттар ол жерде берілген. Соны оқушылар танысып, мұғалімдер танысып, оадан кейін тест тапсырды. 7-сынып пен 11-сынып арасында оқушылар толық өтті.
