Азаматтық қоғам мен мемлекет арасындағы әріптестікті нығайту . Бүгін Мәдениет және ақпарат министрі Аида Балаева үкіметтік емес ұйымдар өкілдерімен кездесіп, бірқатар өзекті мәселелерді талқылап, ұсыныстарды тыңдады.

Жиында медиация институтын дамыту, ата-аналар мен отбасыларды қолдау мен жастарды креативті индустрияға тарту жайы қаузалды. Бұл ретте кездесуге қатысушылар бәріне ортақ электронды портал құру ұсынысын тастады. Мұнда жұмыс істеп тұрған үкіметтік емес ұйымдар мен қайырымдылық қорлар жайлы толық ақпарат болады. Яғни қаржыландыру көздері, мемлекеттік тапсырыстар мен жүзеге асырып жатқан жобалары жайлы мәліметтер жайғастырылмақ. Жиында көтерілген бастамалар алдағы уақытта өтетін XII Азаматтық форумда талқылауға шығарылатын болады.

Аида Балаева, ҚР Мәдениет және ақпарат министрі:

- 2003 жылдан бастап жасалып жатқан барлық форумдар ҮЕҰ тек қана сандық жағынан өсуіне ықпал етпей, сапа жағынан да өсуіне ықпал еткені қуантады. Сондықтан жұмыстың басы-қасында өздеріңіз жүрсіздер. Үкіметтік емес ұйымдардың жұмыстарын жақсы білемін. Барлығыңызбен әр бағытта жұмыс істеп жүрміз.